Рэспубліканская акцыя "Не пакідайце дзяцей адных!"

З мэтай прыцягнення ўвагі да праблемы дзіцячага свавольства з агнём і гібелі дзяцей на пажарах, зніжэння колькасці надзвычайных сітуацый з удзелам дзяцей і забеспячэння іх агульнай бяспекі дома і на вуліцы ў перыяд з 11 мая па 01 чэрвеня 2019 года ў Беларусі пройдзе рэспубліканская акцыя "Не пакідайце дзяцей адных!", прысвечаная. Акцыя праходзіць у некалькі этапаў:

1-ы этап: 11-15 мая, прымеркаваны да Міжнароднага Дня сям'і. Ратавальнікі наведаюць аб'екты з масавым знаходжаннем людзей: гандлёва-забаўляльныя цэнтры, кінатэатры, таксама будзе арганізавана сямейнае спартыўнае свята "Мама, тата, мы - у бяспецы моцныя!";

2-і этап: 16-25 мая - работнікі Светлагорскага аддзела па НС наведаюць:

- установы аховы здароўя (дзіцячыя паліклінікі, кабінеты здаровага дзіцяці, школы мацярынства, дзіцячыя бальніцы).

- дашкольныя ўстановы, пачатковыя класы агульнаадукацыйных устаноў, выступяць на бацькоўскіх сходах.

- у пакоях чакання для бацькоў у спартыўных школах, цэнтрах пазашкольнай адукацыі, дзіцячых забаўляльных;

3-ці этап: 28-31 мая - ратавальнікі наведаюць шматдзетныя сем'і і дзіцячыя дамы сямейнага тыпу.

4-ы этап: 1 чэрвеня - прымеркаваны да Міжнароднага Дня абароны дзяцей - акцыя пройдзе на адкрытых пляцоўках горада Светлагорска.

Паважаныя бацькі! Памятайце - адно імгненне можа каштаваць дорага! Беражыце дзяцей!