Рэспубліканская прафілактычная акцыя "За бяспеку разам"

З мэтай папярэджання ўзнікнення пажараў і гібелі людзей ад іх у перыяд з 2 па 19 красавіка на тэрыторыі Светлагорскага раёна пройдзе рэспубліканская прафілактычная акцыя "За бяспеку разам".

У перыяд правядзення прафілактычнай акцыі кожны грамадзянін можа звярнуцца ў Светлагорскі раённы аддзел па надзвычайных сітуацыях для правядзення абследавання супрацьпажарнага стану жылля, у тым ліку і ў рамках работы назіральнай камісіі, дзе таксама будуць дадзены тлумачэнні і рэкамендацыі грамадзянам па павышэнні ўзроўню пажарнай бяспекі жылля.