Планавыя маніторынгі ДУА "Сярэдняя школа № 1 г. Светлагорска", ДУА "Баравікоўская сярэдняя школа"

Работнікамі інспекцыі нагляду і прафілактыкі Светлагорскага раёна ў студзені 2021 года былі праведзены планавыя маніторынгі Дзяржаўнай установы адукацыі "Сярэдняя школа № 1 г. Светлагорска" (дырэктар - Вежнавец Таццяна Мікалаеўна), Дзяржаўнай установы адукацыі "Баравікоўская сярэдняя школа" (дырэктар - Гошка). На гэтых аб'ектах выяўлены наступныя парушэнні заканадаўства аб пажарнай бяспецы, а менавіта:

не ўсе замкі на дзвярах, размешчаных на шляхах эвакуацыі, забяспечваюць магчымасць іх вольнага адчынення знутры без ключа (у Баравікоўскай сярэдняй школе - у актавай зале; у Сярэдняй школа № 1 - дзверы ў лесвічнай клетцы);

у Баравікоўскай сярэдняй школе не арганізавана работа пажарнай дружыны ў адпаведнасці з патрабаваннямі Пастановы Савета Міністраў Рэспублікі Беларусь № 296 ад 18.05.2020 года «Аб пазаштатных пажарных фарміраваннях» а таксама на дыманепранікальных дзвярах на асноўным эвакуацыйным выхадзе з будынка прылада, якая аўтаматычна зачыняе яе, знята;

у Сярэдняй школа № 1 не заключаны дагавор на тэхнічнае абслугоўванне сістэмы пажарнай сігналізацыі са спецыялізаванай арганізацыяй.

Акрамя таго, у рамках указання Гомельскага абласнога ўпраўлення МНС ад 04.12.2020 у перыяд з 13 студзеня 2021 года па 18 студзеня 2021 года праведзены пазапланавы маніторынг ПГУП "Лозка А.У." павільён "Маямі", размешчанага па адрасе: Светлагорскі раён, пас. Мядкоў, д. 22. Падчас правядзення маніторынгу выяўлена, што на аб'екце не забяспечана перадача сігналаў аб пажары і няспраўнасці пажарнай аўтаматыкі на пункт дыспетчарызацыі пажарнай аўтаматыкі МНС з дапамогай сістэмы перадачы паведамленняў "Маланка". Кіраўніку суб'екта накіраваны рэкамендацыі аб устараненні гэтага парушэння.

У працоўных калектывах правяраемых аб'ектаў, у якіх былі праведзены маніторынгі, праводзіліся гутаркі. Работнікам нагадалі правілы пажарнай бяспекі, тэлефонныя нумары выкліку службы выратавання, правілы карыстання і алгарытм дзеяння пры спрацоўцы супрацьпажарнай сігналізацыі і сістэмы апавяшчэння аб пажары.