Рэспубліканская акцыя "Моладзь за бяспеку"

4 кастрычніка на Светлагоршчыне стартуе рэспубліканская акцыя "Моладзь за бяспеку", прымеркаваная да дня стварэння Беларускай маладзёжнай грамадскай арганізацыі ратавальнікаў-пажарных, з мэтай папулярызацыі і прапаганды дзейнасці БМААСП і прафесіі ратавальніка-пажарнага. Акцыя пройдзе ў 2 этапы і працягнецца да 15 кастрычніка.

За гэты час юныя ратавальнікі-пажарныя Светлагоршчыны ўнясуць свой уклад у павышэнне ўзроўню ведаў грамадства ў галіне бяспекі жыццядзейнасці і акажуць пасільную дапамогу тым, хто мае патрэбу - у першую чаргу пажылым людзям.

Першы этап пад адзінай назвай "112 добрых спраў" прадоўжыцца з 4 па 12 кастрычніка: юныя ратавальнікі разам з работнікамі МНС наведаюць домаўладання пенсіянераў, інвалідаў і ветэранаў Вялікай Айчыннай вайны і акажуць ім пасільную дапамогу. Не застануцца ў баку ад этапа і тэрытарыяльныя падраздзяленні Чырвонага Крыжа, БДПА, а таксама студэнты, якія дапамогуць у гэтай добрай справе.

Другі этап, які пройдзе з 13 па 15 кастрычніка, пройдзе ва ўстановах адукацыі, дзе для юных ратавальнікаў-пажарных будуць арганізаваны: конкурсы і віктарыны, прэзентацыя БМААСП і часопіса "Юны ратавальнік", "Восеньскі баль юных ратавальнікаў", дзе пройдзе не толькі ўручэнне першых членскіх білетаў і пасвячэнне ў шэраг моладзевай арганізацыі.

Такім чынам, акцыя, якая праводзіцца, у чарговы раз пакажа, што, заручыўшыся падтрымкай маладога пакалення, можна дасягнуць галоўнай мэты дзейнасці МНС – фарміраванне культуры бяспекі ад малога да вялікага. Таму не заставайцеся ўбаку - прымайце ўдзел у мерапрыемствах і жывіце бяспечна!