"У цэнтры ўвагі - дзеці!"

З 19 жніўня ў Светлагорску стартуе інфармацыйна-прапагандысцкая кампанія МНС "У цэнтры ўвагі - дзеці!" і працягнецца яна да 13 верасня. Мэта кампаніі - прыцягненне ўвагі грамадскасці да праблемы траўматызму і гібелі дзяцей ад знешніх прычын, у тым ліку ад пажараў з прычыны пакідання іх без нагляду. Першы этап пройдзе з 19 да 30 жніўня. Такі перыяд для старту кампаніі выбраны невыпадкова: у апошнюю дэкаду жніўня для бацькоў і іх дзяцей настае гарачая пара - завяршэнне падрыхтоўкі да новага навучальнага года. Менавіта таму асноўнай мэтавай аўдыторыяй, з якой актыўна будуць працаваць ратавальнікі, стануць бацькі. Другі этап працягнецца з 2 па 13 верасня. Пляцоўкамі правядзення мерапрыемстваў стануць установы першай ступені агульнай сярэдняй адукацыі. Далучайцеся да кампаніі і зрабіце гэты перыяд для сваіх дзяцей шчаслівым і бяспечным!