Візіт у г. Чарнушкі Пермскага краю

6 траўня пачаўся візіт у г. Чарнушка Пермскага краю дэлегацыі са Светлагорска, у склад якой увайшлі начальнік аддзела адукацыі Ж. В. Чаркас, намеснік дырэктара сярэдняй школы №10 імя С. Л. Краснапёрава І. А. Шчыгельская, а таксама навучэнцы школы.
🇧🇾Светлагорск і 🇷🇺Чарнушку звязваюць сувязі дружбы і супрацоўніцтва.🤝
Сярэдняя школа №10 ганарліва носіць імя ўраджэнца Пермскага краю, лётчыка, Героя Савецкага Саюза С. Л. Краснапёрава. Год таму навучэнцы Кадэцкай школы імя Героя Савецкага Саюза Я. І. Францава г. Чарнушка наведалі Светлагорск, прынялі ўдзел у святкаванні Дня Перамогі✨, а таксама пабывалі на месцы гібелі свайго земляка.
💫Сёння ў нашай дэлегацыі насычаная праграма знаёмства са славутасцямі Пермі. Пажадаем і дарослым, і рабятам яркіх уражанняў і цёплых сустрэч.🇧🇾❤️🇷🇺

💥7 траўня працягнуўся візіт дэлегацыі Светлагорскага раёна ў Пермскі край🇧🇾🇷🇺. Сёння педагогі і навучэнцы пазнаёміліся з сістэмай адукацыі Расійскай Федэрацыі, наведалі ўстановы адукацыі г. Чарнушка Пермскага краю, сустрэліся з навучэнцамі і педагогамі.
Наша дэлегацыя аддала даніну павагі Героям, якія загінулі ў гады Вялікай Айчыннай вайны. З асаблівым хваляваннем хлопцы ўшанавалі памяць Героя Савецкага Саюза, лётчыка С. Л. Краснапёрава, які загінуў за вызваленне Светлагорскага раёна.

Другі дзень візіту дэлегацыі Светлагорска ў Чарнушка Пермскага краю скончыўся сустрэчай з кіраўніком Чарнушынскай гарадской акругі Трушковым Арцёмам Васільевічам. Сустрэча прайшла ў цёплай, сяброўскай атмасферы. Арцём Васільевіч падзякаваў беларускім гасцям за тое, што яны свята захоўваюць памяць пра Сяргея Леанідавіча Краснапёрава, Героя Савецкага Саюза, лётчыка, ураджэнца Чарнушынскага раёна Пермскага краю, які загінуў, вызваляючы беларускую зямлю. Кіраўнік гарадской акругі выказаў упэўненасць, што сяброўства паміж нашымі гарадамі і народамі стане яшчэ мацнейшым.