Бяспечныя канікулы

У Беларусі стартуе рэспубліканская прафілактычная акцыя МНС "Бяспечныя канікулы". Галоўная мэта - нагадаць дарослым і дзецям аб каштоўнасці жыцця і неабходнасці захавання элементарных правілаў бяспекі, папярэдзіць пажары, трагедыі на вадзе і іншыя няшчасныя выпадкі. З 15 мая па 31 жніўня ратавальнікі, актывісты Беларускай маладзёжнай грамадскай арганізацыі ратавальнікаў-пажарных, прадстаўнікі АСВОД, Беларускага добраахвотнага пажарнага таварыства аб'яднаюць намаганні, каб нагадаць: лета - час свабоды і прыгод, але менавіта ў гэты перыяд рэзка расце колькасць надзвычайных сітуацый. У ходзе правядзення будуць наведаны школы, дзіцячыя сады, прышкольныя і аздараўленчыя лагеры, а таксама праведзены маштабныя мерапрыемствы на адкрытых пляцоўках у парках забаў і адпачынку, у палацаў культуры, кінатэатраў, гандлёва-забаўляльных цэнтраў і іншых папулярных сямейных лакацыях.