Апошняя лінейка

Сёння ў школе прайшла ўрачыстая лінейка, прысвечаная Апошняму званку. У гэты дзень са школьнай лавай развіталіся выпускнікі 9-х і 11-х класаў.

Для хлопцаў гэта асаблівы момант, які завяршае гады вучобы і застаецца ў памяці назаўжды. На тварах - радасць і лёгкае хваляванне, гонар і сум, а ў сэрцах - цёплая настальгія па школьных днях.

Падчас свята хлопцы паказалі прыгожы вальс., падрыхтаваны з любоўю і стараннем. А яшчэ навучэнцы былі ўзнагароджаны граматамі за поспехі ў вучобе і за актыўны ўдзел у жыцці школы.

Заканчэнне гэтага этапу жыцця - гэта не проста канец, гэта пачатак чагосьці новага, цікавага і нязведанага.
Але галоўнае, што менавіта ў гэты момант хлопцы ўсведамляюць, што яны больш не дзеці, і наперадзе іх чакае дарослае жыццё з новымі выклікамі і магчымасцямі.